Maturantët në të gjithë vendin i janë nënshtruar sot testimit në lëndën e matematikës.
Çdo vit ka pasur incidente gjatë procesit të testimit të maturantëve, por edhe këtë radhë duket se kemi të bëjmë me të njëjtën situatë.
Edhe pse ishte vetë kryeministri ai që premtoi në një nga takimet e tij elektorale se nuk do të dalë asnjë tezë, ka ndodhur krejt e kundërta.
Siç duket në fotot e publikuara nga joq.al, nxënësit kanë arritur të fotografojnë tezën e provimit të matematikës.
Kështu, nxënësit kanë arritur të futen në provim me celularë, duke e shfrytëzuar atë për t’u ndihmuar nga persona jashtë.
Mesa duket, fushata elektorale ka shpërqendruar personat përgjegjës për mbarëvajtjen e provimit, ndërsa nxënësit kanë përfituar nga kjo situatë duke shkelur ligjin me të dyja këmbët.
