Kreu i Organizatës Botërore të Shëndetësisë, Tedros Adhanom Ghebreyesus, ka pasur kontakt me një person që ka dalë pozitiv në testin për koronavirus dhe do të vetizolohet.
Përmes një postimi në rrjetin social, Twitter Tedros tha se ndihet mirë dhe se nuk ka simptoma.
”Unë jam identifikuar si kontakt i dikujt që ka rezultuar pozitiv për COVID19 . Jam mirë dhe pa simptoma, por do të vetë-karantinohem gjatë ditëve të ardhshme, në përputhje me protokollet, dhe do të punoj nga shtëpia’’, shkruan shefi i OBSH-së.
Njoftimi i Tedros u bë në të njëjtën ditë kur autoritetet në Gjenevë, ku ndodhet selia e OBSH-së, njoftuan për shtrëngimin e kufizimeve, që synojnë të frenojnë përhapjen e virusit.
I have been identified as a contact of someone who has tested positive for #COVID19. I am well and without symptoms but will self-quarantine over the coming days, in line with @WHO protocols, and work from home.
— Tedros Adhanom Ghebreyesus (@DrTedros) November 1, 2020
