I është akorduar një çmim nga Urdhri i stomatologëve shqiptarë nënës së kryeministrit Edi Rama, Aneta Ramës. Gjithashtu është mësuar se ky titull u dha për nënën e kryeministrit me rastin e 100 vjetorit të hapjes së klinikës së parë dentare në qytetin e Vlorës. Ky vendim u mor që më 16 mars të këtij viti, nga Këshilli Kombëtar i Urdhrit të Stomatologut, por mjaft reagime janë ngjallur nga kjo ndodhi.
“Ky titull iu akordua Dr. Aneta Ramës me rastin e 100 vjetorit të klinikës së parë dentare në qytetin e Vlorës. Vendimi nga Këshilli Kombëtar i Urdhrit të Stomatologut u mor më 16 mars të këtij viti me motivacionin ‘kontribut i veçantë në themelimin e stomatologjisë shqiptare”, thuhet në njoftim e Urdhrit të Stomatologëve.
Deputeti demokrat Bardh Spahija nuk e ka pritur me entuziazëm dekorimin e nënës së kryeministrit, duke bërë një koment mjaft pikant.
“Tani ka mbetur vetëm që Urdhri i Farmacistëve t’i akordojë titullin e nderit Edvin Kristaq Ramës për import-eksport të lëndëve narkotike…”, shkruan Bardh Spahia i cili i referohet ndodhive të fundit të përfshirjes së Shqipërisë në transportin e lëndëve narkotike drejt Europës.
