Teksa një vëmendje e shtuar është në lidhje me vendimet që po diskutohen në Kryesinë e PS, “spiuni” që ka nxjerrë të dhënat është deputeti demokrat Tritan Shehu.
Me anë të një statusi në Facebook, ai ka ndarë me qytetarët disa informacione për mbledhjen e Kryesisë së Partisë Socialiste, që ka nisur prej orës 09:00, në selinë rozë.
Teksa e demostron përmes fotove, ai bën me dije se ka zëra se mbledhja e Kryesisë së PS po “kryqëzon” FRESSH-in, për protestat e studentëve. Sipas tij, vendi është në prag të greminës, e ndërsa gjetja e fajit duket se i është adresuar të rinjve.
Duke bërë një analizë se në çfarë gjendje ndodhemi, demokrati e nis nga ekonomia, e më pas arsimi e shëndetësia, ku lënë për të dëshiruar sipas tij.
