Aktori i humorit, Gaz Paja është i dashuruar kokë e këmbë! Ai është kapur mat me një bionde simpatike e të ëmbël, e cila quhet Ira. Kjo e fundit ka përfunduar studimet në universitetin “Aleksandër Moisiu” në Durrës.
Vetë aktori nuk ka preferuar ta bëjë publike këtë lidhje, teksa së fundmi në një intervistë për “Wake up” pranoi se kishte një lidhje, ndërsa e cilësoi të dashurën e tij si “E bukura e dheut”.
“Nuk kemi akoma, as bashkëjetesë, as unazë. Jemi në procesin e njohjes, mirë po shkon. Unë jam tip impulsiv, ajo është ndryshe, që është diçka shumë e mirë. Ndihem mirë, është një vajzë që më fal qetësi, është shumë e sjellshme, e dashur, korrekte, më bën të ndihem shumë mirë”, tha Paja pak më parë.
