Lideri i radikalëve serbë, Vojislav Sheshel ka bërë një tjetër deklaratë të pazakontë. Ai, në përfundim të një reagimi me përkrahës të tij kundër manifestimit “Mirëdita – Dita e mirë”, në Beograd, një manifestim për dekontamimin kulturor mes Serbisë dhe Kosovës, tha se do shkonte të takonte në burg dy vrasësit e ish-kryeministrit Gjinçiç, për t’u përcjellë atyre mesazhin se ata duhet të çlirojnë Kosovën.
Duke e konsideruar dyshen vrasëse Milorad Ulemek Legija dhe Zvezdan Jovanoviç si “heronj serbë”, Sheshel tha:
“Unë do të përcjellë atyre mesazhin se Serbia është duke pritur Legija dhe Zvezdan që ta çlirojmë Kosovën së bashku. Për sot ne kemi mbaruar”, tha Sheshel.
Milorad Ulemek dhe Zvezdan Jovanoviç vuajnë dënimin me 40 vjet burg.
