Ish-kryeministri i Greqisë, George Papandreu bën thirrje për hapjen e negociatave të Shqipërisë dhe Maqedonisë së Veriut.
Sipas tij, Ballkani Perëndimor i përket familjes evropiane dhe të ardhmes së përbashkët. Me këtë deklaratë, Papandreu kundërshton qëndrimin e Francës dhe Holandës, dy vendeve skeptike për çeljen e negociatave.
“Udhëheqësit e BE-së duhet të dërgojnë një mesazh të fortë që respekton angazhimet tona në Ballkanin Perëndimor, veçanërisht në një kohë kur vlerat tona evropiane dhe themelet demokratike, të vendosura pas Luftës së Dytë Botërore, janë duke u vënë në dyshim.
Fillimi i bisedimeve të pranimit me Maqedoninë Veriore dhe Shqipërinë është rezultat i faktit se Ballkani Perëndimor i përket familjes tonë, historisë dhe ardhmërisë sonë të përbashkët”, u shpreh ish-kryeministri Papandreu.
