Monika Kryemadhi ka dalë me një thirrje të fortë drejtuar të gjithë anëtarëve të shtabit të LSI-së, por edhe PD-së e PS-së për të hequr dorë nga kartat e anëtarësisë e për të dalë në mbështetje të fëmijëve të tyre.
Deputetja tha se është ndjerë në mëkat kur ka menduar jetesën e këtyre studentëve, shpenzimet mujore e të cilëve politikanët i shpenzonin në një ditë.
“Sot, si kryetare e LSI-së, ju kërkoj të gjithë ju drejtues të shtabeve elektorale, hidhni poshtë kartëne anëtarësisë, kartën e partisë, dilni në mbrojtje të fëmijëve tuaj. Harroni flamurin e partisë, merrni flamurin kombëtar në dorë. Mos kini frike nga Rama dhe as nga mediat e blera prej tij”, tha ndër të tjera Kryemadhi.
Postimi i plotë:
Prej disa ditësh kam qenë e tunduar për të suportuar apo për të qenë pjesë e atyre të rinjve e të rejave. Kam menduar si një nënë që fëmijët duhet të jenë të zotë e jo tua rrëmbejnë nga dora. Pas 28 viteve dëgjojmë e shikojmë një lëvizje të tillë.
Kur pashë që rrinin në -2 gradë e harrova që jam politikane dhe mendova sa bujar kishte qenë Zoti em mua dhe familjen time, me Ramën dhe familjen e tij dhe me ministrat e deputetët. E ndjeva veten time në mëkat që nuk bëj asgjë, që fëmijët e mi hanin 3 herë ën ditë vakte dhe ata studentë nuk kanë asnjë vakt por e mbushin stomakun me ujin e rubinetave në konvikte.
Kërkon negociata me fëmijë të pangrënë, kërkon negociata me fëmijë të paveshur ku duhet t’u dalë për zot qeveria e Edi Ramës. Nuk ka negociata me Edi Ramën thonë ata, kërkojmë 8 kërkesa elementare po normal që ne nuk e kuptojmë dot, që nga Rama, unë, Ruci e tjerë sepse me aq para sa ne harxhojmë në kafene ata shtyjnë muajin.
Sot, si kryetare e LSI-së, ju kërkoj të gjithë ju drejtues të shtabeve elektorale, hidhni poshtë kartën e anëtarësisë, kartën e partisë, dilni në mbrojtje të fëmijëve tuaj. Harroni flamurin e partisë, merrni flamurin kombëtar në dorë. Mos kini frike nga Rama dhe as nga mediat e blera prej tij.
Më keq seç i ka bërë ky njeri këtij vendi, nuk i kanë bërë as pushtuesit. Mos ndaloni, suport të rinjve ku të kenë dëshirën ata. I bëj thirrje dhe të gjithë demokratëve e socialistëve të harrojnë kartën e anëtarësisë e të ngrenë flamurin kombëtar. O sot o kurrë, fatet janë në duart e shqiptarëve.
Studentët o do fitojnë përballë një monstre gjakpirëse, ose ky vend nuk ka më të ardhme./ TIRANA TODAY
