Pas deklaratës të fortë të ish-kongresmenit amerikan Joe DioGuard, ka reaguar Partia Demokratike, duke thënë se ai është një person i blerë nga Rama.
Reagimi erdhi pak para mesnate nga zëdhënësja Ina Zhupa, të cilin e quajti DioGuardi-n si lobistin më të ri të Ramës.
Në një intervistë të dhënë së fundmi, ish-kongresmeni tha se Berisha dhe djali e vajza e tij janë bërë milionerë padrejtësisht.
“Ju e dini që kryetari i qeverisë paraardhëse, thuhet se ka bërë miliarda dollarë me të bijën dhe të birin. Si i bëri ai ato para? Nga paga e tij në Qeveri?! Kjo nuk është e drejtë”, deklaroi ish-kongresmeni.
REAGIMI I PD:
Kur një ish-kongresmen është në shitje
Një ish-kongresmen është shfaqur sot haptazi si lobisti më i ri i Edi Ramës. Nga mungesa e skrupujve, duket se është paguar mirë.
Ky ish-kongresmen, teksa flet për Shqipërinë, nuk përmend në asnjë fjalë drogën, krimin, korrupsionin dhe shitblerjen masive të votave, fakte që i di e gjithë bota.
Pse nuk i përmend?
Shumë e thjeshtë. Se është në shitje, dhe është blerë pikërisht nga këto para të piseta, sic janë blerë jo pak lobistë të tjerë nga Edi Rama, në Bruksel, Berlin e Uashington.
Kjo është skema e Edi Ramës, të blejë gojë që flasin për të jashtë, dhe të blejë varfërinë e shqiptarëve kur vjen dita e zgjedhjeve. Sa mendon se do shkojë kështu? Jo shumë larg, askush sja ka dalë të mbajë pushtetin me para droge, krimi dhe korrupsioni.
