Deputeti i LSI-së, Luan Rama ka folur në foltoren e Kuvendit, ku ka bërë thirrje që të miratohen kërkesat e studentëve. Madje, deputeti tha se të gjithë ata janë përgjegjës për atë që po ndodh dhe nëse nuk miratohen kërkesat, studentët kanë të drejtë t’i nxjerrin të gjithë politikanët me shqelma jashtë.
Fjala e Luan Ramës:
T’u kërkojmë ndjesë studentëve dhe të reflektojmë jo duke u kapërdisur a mburrur me numrin e kartonave. Të mendojmë se ata janë djem e vajza nënash që janë atje për shkakun tonë. Më lejon t’ju shoh në sy dhe të shoh te secili prej jush fytyrën e vërtetë, dimensionin njerëzor, solidaritetin.
T’i lëmë procedurat, të rrijë i mbledhur Kuvendi sot, në komfortin e kondicionerëve ndryshe nga studentët jashtë dhe të miratojmë ndryshimet në ligj, të legalizojmë atë që studentët kërkojnë.
Ose përndryshe studentët kanë të drejtë të na nxjerrin të gjithëve jashtë nga Rama atje te ky Rama këtu (për veten)./ TIRANA TODAY
