Deklarata e avokatit rrit shanset që Neymar të vishet madrilen

Njëri nga avokatët e Neymar, Marcos Motta, ka dhënë dritën jeshile të një transferimi të mundshëm të yllit brazilian në Madrid. Ai zbuloi se në kontratën që e mbanë Neymarin lidhur me PSG nuk ka asnjë klauzolë largimi. O Ney nuk po gjen ë lumturinë që priste në “Parc des Princes” dhe kjo mund të jetë një arsye që ai të kërkojë largimin, përderisa në kontratën e tij nuk ka asnjë pikë që e pengon atë si nga ana e objektivave apo e golave të shënuar.

“Unë mund të garantoj se në kontratën e Neymar nuk ka asnjë klauzolë lirimi, as për objektivat, as për përfundimin e sezonit si golashënuesi më i mirë”, u shpreh Motta. Problemet kanë qenë të shumta për brazilianin që të ambientohet tek PSG, duke filluar që nga problemet me Cavanin apo edhe me trajnerin. Së fundmi, jo më larg se në ndeshjen përballë Dijon, kundër tij janë kthyer edhe tifozët për atë penallti që braziliani nuk e lejoi ta gjuante Cavani dhe të bëhej golashënuesi më i mirë i ekipit.

Ish-lojtari i Barcelonës arriti të shënonte 4 gola, por dëshpërimi dukej qartë në sytë e tij në momentin që iu drejtua dhomave të zhveshjes. Ky është një avantazh për Real Madrid, ku Fiorentiono Perez po përgatitet që ta marrë në kryeqytetin spanjoll që në merkaton e erës, pasi suli i tij nuk po funksionon këtë sezon.

Për “Radio Globo” avokati i yllit brazilian tregoi edhe ngjarjet e ndodhura në korrik që përfunduan me kalimin e tij në Paris. “Babai i Neymar më dërgoi një SMS në mes të korrikut, për të më thënë të shkoja menjëherë në Shtetet e Bashkuara të Amerikës për të shikuar kontratat”. Më 3 gusht, Neymar u transferua zyrtarisht te PSG për 222 milionë euro.