Në eventin UFC Vegas 13 të zhvilluar në Las Vegas (Amerikë), ka debutuar në UFC edhe shqiptari Ramiz Brahimaj, por me nënshtetësi amerikane.
Ai ka dueluar në peshën “welter” ndaj Max Griffin, ku u mund me “KO teknik” pas raundit të tretë. Një përballje mjaft e fortë, e madje ka lënë pasoja tek Brahimaj.
Fotot e shpërndara në rrjet janë të frikshme. Ka qenë gjyqtari ai që ka ndalur duelin, pasi Brahimaj ishte dëmtuar rëndë në veshin e majtë. Sikundër shihet nga fotoja në fjalë, ai ka rrezikuar rëndë.
Brahimaj ka pësuar dëmtime edhe poshtë syrit dhe dukej keq pas duelit. Ai ka njoftuar në rrjetet sociale se është mirë dhe se ka humbur një pjesë të veshit.
Griffin rips the ear off
with a sweet elbow ? pic.twitter.com/F6sYLZpbBk— ☘️ MMA VISUAL ☘️ (@MMAVISUAL) November 8, 2020
“Jam mirë, por kam humbur një pjesë të veshit. Uroj të shërohem dhe rikthehem sa më shpejt në kafaz, uroj rivalim tim për fitoren”, shkruan Brahimaj.
