Pas vendimit të Rusisë për të dëbuar dy diplomatë shqiptarë nga Moska, i menjëhershëm ka qenë reagimi i Ministrisë për Evropën dhe Punët e Jashtme të Shqipërisë.
Përmes një deklarate për shtyp ministria shton se vendimi nuk përbën një surprizë për shtetin shqiptar. Gjithashtu theksohet se dëbimi i zyrtarëve rusë ditë më par nga vendi, ishte një reagim proporcional ashtu siç bën aleatët strategjikë të Shqipërisë.
Në fund të deklaratës thuhet se Shqipëria është e hapur në kanalet e komunikimit diplomatit, të cilat i shërbejnë paqes, sigurisë dhe së ardhmes larg konflikteve.
Deklaratë për shtyp e Ministrisë së Jashtme të Shqipërisë
Me datë 30 mars 2018, Ambasadori i Republikës së Shqipërisë në Moskë u thirr në Ministrinë e Punëve të Jashtme të Federatës Ruse. Gjatë takimit, Ambasadorit i’u komunikua shpallja “non – grata” e dy diplomatëve shqiptarë të akredituar në Federatën Ruse.
Reagimi i Moskës nuk përbën surprizë për ne. Vendimi i marrë prej nesh pak ditë më parë në lidhje me dy diplomatët Rusë, i bashkërenduar me qëndrimet e aleatëve tanë strategjikë ishte proporcional ndaj sulmit kimik në Salisbury. Theksojmë se kanalet tona diplomatike mbeten të hapura në funksion të marrëdhënieve konstruktive dypalëshe, paqes dhe sigurisë
