“Motivet” e vrasjes së Endri Mustafës, që u gjend dje në mëngjes në zonën e nohur si “Livadhet” në Shkodër, ka futur në një detat të ashpër të ftuarit në emisionin “Open”, gazetarët Klodiana Lala, Elton Qyno dhe Arian Curri. Ata kanë pretentuar verisone të ndryshme lidhur me krimin, ndërkohë që ka qenë Curri që u ka kërkuar kolëgeve që të jenë më të matur kur përmendin “mafian”në këto vrasje.
Pjesë nga debati:
Arjan Curri: Ti e ke sëmundje profesionale, të duken të gjithë kriminelë dhe banda e mafie. Edhe mua më duket sikur të gjithë studentët kopjojnë, por nuk është kështu. Ju e keni bërë Shqipërinë vetëm banda, banda. Unë jap kriminologji në auditorë, e njoh mirë. S’mund të thoni që për çdo vrasje ajo është mafioze.
Klodiana Lala: Ish ministri Xhafaj ka thënë se ka grupe kriminale. Personat që nuk kanë bërë një rrëmbim klasik që e kanë marrë dhe dhunuar dhe mendohet se kanë munduar të nxjerrin detaje.
Arjan Curri: Mund të kenë qenë banda rivale, por kjo se bën mafioze. E di cfarë është organizatë, grup i strukturuar dhe bandë.
Klodiana Lala: Curri po e bën këtë teorike, nuk e klasifikova unë.
Arjan Curri: Nuk e pranoj ta cilësosh vrasje mafioze, cili grup e ka? Nuk e ke. E keni bërë mafie këtë vend.
Klodiana Lala: Ne po merremi teorikisht dhe Curri ka të drejtë. Të shqetëson që në Shkodër kanë ndodhur ngjarje shumë të rënda në një kohë kaq të shkurtër?
Arjan Curri: S’më duket normale, por nuk më shqetëson. Edhe bandat e lagjes lajnë hesape, por nuk janë mafie.
Klodiana Lala: Është vrasje tipike mafioze edhe për faktin se është qëlluar me plumb në kokë, në gojë dhe të tjerë e kanë kapur në trup. Pra ekzekutorët nuk donin ta linin të gjallë. Policia ka shpallur në kërkim Ibrahim Licin, por nuk dha asnjë detaj që e lidh me këtë ngjarje dhe pse e them këtë, jo për ta mbrojtur por për ta thënë se në ngjarje të mëparshme është shpallur në kërkim dhe më pas akuza ndaj tij u shfry dhe doli në lirim.
Arjan Curri: Cili është emri i organizatës?
Klodiana Lala: Mos e ul nivelin e bisedës të lutem.
Arjan Curri: Jo të pyet hetuesia, si e ka emrin organizata MAFIOZE, si e ka emrin?
Klodiana Lala: Po të lutem tani se s’e kam detyrim të të jap përgjigje.
Elton Qyno: Po të bën një pyetje konkrete, do përgjigje…ose lëri dhe të tjerët të flasin.
Arjan Curri: Unë flas mbi fakte.
Ndërkaq, gazetarja Lala ka dhënë disa detaje lidhur me vrasjen. “Celulari i viktimës nuk është gjetur dhe mendohet që mund të jetë marrë për ndonjë informacion. Nga momenti që ka dalë nga banesa dhe ka kaluar kohë, pra vrasësit kanë pasur kohë të kërkojnë dhe të bëjnë verifikime.”, u shpreh Lala.
