Debate të nxehta janë shkaktuar paraditen e sotme në Komisionin Hetimor për shkarkimin e presidentit Meta. Deputeti Adriatik Alimadhi i është drejtuar Ulsi Manjës se për çështjen e shkarkimit të Presidentit, duhet të thirren të gjitha institucionet, dhe sipas tij mos-thirrja është diskriminim. Manja ka deklaruar se objekti i sotëm i diskutimit është dekreti i Metës për anulimin e zgjedhjeve, dhe se nuk ka asnjë lloj diskriminimi.
Debati:
Manja: Ky Komision do të presë edhe vendimin e Komisionit të Venecias. Kërkojmë shtyrje të afatit të hetimit me dy muaj.
Alimadhi: Ne kemi thirrur Presidentin në një seancë dëgjimore. Ju mos i trajtoni njerëzit politikisht. Juve ju drejtoheni njerëzit me diskriminim. Nëse do të thirrni vetëm Presidentin dhe nuk thërrisni institucionet e tjera, ju nuk po tregoheni korrekt. Pastaj të kalojmë në procedura të tjera.
Manja: Duhet të jeni korrekt me çështjet në Komision. Ne sot kemi një objekt konkret dekretin e Metës për anulimin e zgjedhjeve. Unë nuk di që KQZ apo institucion tjetër ka nxjerrë dekret. Të ngelemi te objekti i hetimit. Nuk ka diskriminim. Të lutem tani se nuk debatoj me ty tani. Të lutem.
Alimadhi: Le ta hedhim në votim këtë kërkesë.
Manja: Jam shumë i qartë.
