Manchester United nuk ka arritur të fitojë përballë Sevillas së Montellas, në ndeshjen e parë për 1/8-t e finaleve të Champions League dhe do të bazohet te faktori fushë në ndeshjen e kthimit për të synuar arritjen e çerekfinaleve në veprimtari elitare. “Djajtë” ishin në hije gjatë gjithë ndeshjes dhe Sevilla kishte rastet më të mira për të shënuar, por këtu futet në lojë De Gea që e ruan të paprekur portë.
Portieri spanjoll, më i miri në fushën e lojës pengoi golat e Escudero dhe Vazquez dhe Muriel me disa pritje me të vërtetë të pabesueshme në pjesën e parë. Sevilla ka fituar vetëm një nga shtatë ndeshjet e fundit me eliminim direkt të luajtura në Champions, ndërsa skuadra angleze nuk kanë humbur asnjë nga tetë përballjet me ekipet spanjolle në këtë edicion të Ligës së Kampioneve.
Shakhtar ka zhvilluar një ndeshje të madhe përballë Romës, ku ka përmbysur avantazhin pas golit të shënuar nga i riu Under në pjesën e parë. Ky i fundit u bë lojtari i dytë më i ri në histori që ka shënuar në Champions league (20 vjeç e 222 ditë), teksa rekordi mbahet nga Cassano që ka shënuar kur ishte 20 vjeç e 82 ditë.
Gjithsesi, në pjesën e dytë, as pritjet e Alison nuk e shpëtuan Roma. Facundo Ferreyra shënoi golin e barazimit, ndërsa në minutën e 71-të braziliani Fred, që sezonin e ardhshëm do të luajë me Manchester City, tundi rrjetën duke ekzekutuar në një mënyrë perfekte një goditje dënimi nga hyrja e zonës.
Ukrainasit shkojnë më të qetë në “Olimpico” më 13 mars edhe pse me këtë rezultat gjithçka mbetet e hapur.
