Gianni De Biasi, ish-trajneri i kombëtares shqiptare ka qenë i ftuar në një mbrëmje për 120 vjetorin e Federatës Italiane të Futbollit. Në këtë organizim kanë marrë pjesë edhe emra të mëdhenj si Mancini, Ancelotti, Capelo, Conte apo Allegri.
De Biasi ka treguar edhe eksperiencën e tij në Shqipëri, për gjërat që ishin ndryshe në vendin tonë: “Atje(në Shqipëri) hanë në një mënyrë shumë të ekzagjeruar, kanë pjata të çuditshme, pasi edhe futbollin e përjetojnë në një mënyrë lozonjare. Autobusi pastaj, dukej si një diskotekë me muzikën të ngritur në maksimum. Magazinieri e vendos muzikën, ti afrohesh e ul zërin, ndërsa ai e ngre përsëri.”
Gjithsesi, ai e vlerëson eksperiencën në Shqipëri, si një nga më të mirat në karrierën e tij: “Unë nuk kam drejtuar ekipe me emra të mëdha, por ajo eksperiencë me Shqipërinë më ka mësuar se sa më i qartë të jetë organizimi i punës, aq më shumë shanse ka që të paraqitem mirë.”
