De Biasi gati të rikthehet në Serie A

Ish-trajneri i Kombëtares shqiptare, Xhani De Biazi, mund të marrë drejtimin e Veronës në Serie A, Itali. Pavarësisht zërave që mund të drejtojë kombëtaren australiane, ky destinacion duket mjaft i vështirë duke parë dhe konkurrencën, por ai dëshiron të jetë më aktiv dhe kërkon një klub.

Lajmi bëhet i ditur nga mediet italiane. Verona po kalon një periudhë të vështirë dhe pritet shkarkimi i trajnerit aktual, Fabios Pekia. De Biazi konsiderohet si zëvendësuesi ideal i Pekias. Klubi i fundit që ka drejtuar De Biazi është ai spanjoll i Deportivo Alaveshit, në Spanjë. Eksperiencë jo e mirë për italianin pasi u shkarkua pas vetëm 2 muajsh.