Ganni De Biasi që pas largimit nga kombëtarja e Shqipërisë nuk ka pasur shumë fat dhe më shumë e kemi parë si opinionist. Italiani pati një eksperiencë të shkurtër në Spanjë tek Alaves, por duket se nuk shkoi si duhet dhe përfundoi shumë shpejt. Por De Biasi ka humbur së fundmi edhe një shans të artë për të marrë drejtimin e Polonisë, por në fund nuk u preferua ai.
Në një intervistë të gjatë për Gazzetta Dello Sport, De Biasi tregon edhe sesi Armando Duka nuk e lejoi të merrte drejtimin e Italisë, ndërsa Boniek e “mashtroi” në momentin e fundit. Për të, kombëtaret janë shndërruar në mallkim.
Prapaskenat te Polonia: Është një histori që nis më herët. Jam kontaktuar nga Boniek përpara se ai të zgjidhte Nawalkan, trajnerin që ishte në Botëror. Ishte viti 2013, por isha në kontratë me Shqipërinë, ndaj nuk mund të bëhej asgjë. Zibi (Boniek) u bë i gjallë pak javë më parë, për të zëvendësuar pikërisht Nawalka. Një ditë u ndjeva trajner i Polonisë, kur Boniek më la takim në Romë për të përcaktuar detajet.
Kisha përgatitur edhe kostumin që do të vishja. Por Boniek nuk u ndje më dhe nga shtypi mësova që kishte zgjedhur një tjetër, për këtë më vjen keq. Zibi sigurisht që do të bëjë zgjedhjet që dëshiron, por në këtë rast ose nuk është shpjeguar mirë, ose unë nuk e kam kuptuar. Nuk kam asnjë pishman, por është hera e dytë që më ikën nga duart një kombëtare. Në 2016-ën presidenti i Federatës Shqiptare të Futbollit nuk më la të pasoja Conten tek Italia. Duhet të jetë mallkim.
