Berlini ‘bashkon’ presidentin e Kosovës me atë të Serbisë. Aleksandar Vuçiç do të udhëtojë më 29 prill në kryeqytetin e Gjermanisë, ku do të takohet me presidentin Hashim Thaçi.
Të pranishëm në takim do të jenë edhe kryeministrat e dy shteteve në fjalë, Ana Bërnabiç dhe Ramush Haradinaj.
Lajmi është konfirmuar nga presidenti serb, i cili po ashtu ka thënë se ky takim i 29 prillit është bërë me ftesë të Francës dhe Gjermanisë.
