Një përplasje e fortë në distancë ka qënë kjo e sotmja mes kryebashkiakut Veliaj, dhe deputetes demokrate Jorida Tabaku. Ishte kreu i Bashkisë së Tiranës, Erion Veliaj, i cili e akuzoi deputeten e PD-së, Jorida Tabaku, se i ka dhënë leje ndërtimi gjyshes së saj.
Dalin pronat pa leje të Bashës e Tabakut. Kreu i PD-së me ashensor privat
Kjo deklaratë u bë prej tij në mbledhjen e Këshillit Bashkiak. Por nuk ka vonuar edhe kundërpërgjigjja e saj, duke ia kthyer me të njëjtën monedhë.
Tabaku shkruan në Facebook se gjatë periudhës si politikane, ka deklaruar ekzaktësisht pa u akuzuar nga askush për pasurinë që nga viti 2009, e deri më sot. Ndër të tjera ajo nënvizon se banesa e saj nuk kushton miliona si ajo e Kodrës së Diellit ku jeton Veliaj, as nuk është ndërtuar me paratë që nuk dihet mirë ku janë mbledhur.
