UEFA ka vendosur që ndeshja midis Danimarkës dhe Finlandës do të rifillojë në orën 20:30. Ky vendim, erdhi pas kërkesës së lojtarëve të të dyja skuadrave.
”Pas kërkesës së bërë nga lojtarët e të dy ekipeve, UEFA ka rënë dakord të rifillojë ndeshjen midis Danimarkës dhe Finlandës sonte në 20:30 CET (TBC). Do të luhen katër minutat e fundit të pjesës së parë, më pas do të ketë një pushim dhe do të fillojë pjesa e dytë’’, shkruan UEFA në rrjetin social, Twitter.
Following the request made by players of both teams, UEFA has agreed to restart the match between Denmark and Finland tonight at 20:30 CET (TBC).
The last four minutes of the first half will be played, there will then be a 5-minute half-time break followed by the second half.
— UEFA (@UEFA) June 12, 2021
Mesfushori danez, Kristian Eriksen tronditi botën e futbollit, pasi në minutën e 43-të të ndeshjes midis Danimarkës dhe Finlandës, pësoi atak kardiak dhe humbi ndjenjat në fushën e blertë.
I menjëhershëm ishte reagimi i mjekëve të ekipit danez, të cilët i bënë masazh kardiak mesfushorit të Interit për disa minuta.
Gjiganti mediatike ”Bein Sport’’ ka bërë të ditur gjendjen momentale të mesfushorit, teksa shkruan se Eriksen është me shenja të plota dhe në gjendje të qëndrueshme. Ndërkohë, bëhet me dije se ai është dërguar në spital për të marrë trajtimin e duhur mjekësor.
