Partizani do të udhëtojë drejt Korçës këtë të hënë për tu përballur me kryesuesit e kampionatit Skënderbeun. Pas fitores në Kukës duket se është kthyer harmonia në grup dhe entuziazmi është i madh për këtë sfidë pasi ka besim për një rezultat pozitiv. Kjo atmosferë pozitive reflektohet edhe nga fjalët e zëvendëstrajnerit Klevis Dalipi.
“Harmonia është kthyer dhe skuadër po punon më e qetë nën drejtimin e Starovës. E presim këtë sfidë ndaj Skënderbeut me shumë entuziazëm dhe dëshirë për të dhënë maksimumin. Besoj që e kemi lehtësuar sadopak dhimbjen e javëve të para me atë fitore me Kukësin. Shpresoj që tifozët të vijnë e të na përkrahin.
Partizani pritet të zbresë ndryshe në fushë ndaj Skënderbeut dhe kjo ishte e pritshme, pasi të mundësh ata duhet të provosh diçka speciale në fushë. Por dali është shprehur qartë që do të luajnë të gjithë ata që japin maksimumin.
Ndaj Skënderbeut do të ketë një skemë ndryshe, që do ta merrni vesh në ditën e ndeshjes. Të jeni të sigurt që ata që do të zbresin në fushë do të japin maksimumin. Do të ketë përforcime në janar, por lojtarët që kemi aktualisht mbeten shumë të rëndësishëm”.
