Gazetari investigativ Artan Hoxha, ka thënë gjatë mbrëmjes së djeshme në “Opinon”, se “Agimi i Artë” dhe grupet ultranacionaliste greke po kërkojnë emrat e skuadrës së RENEA-s që ekzekutuan Katsifasin në Bularat.
Ai u është drejtuar autoriteteve shqiptare, se nuk duhet t’i zbulojnë emrat e efektivëve, ndryshe kjo do të ishte ekspozim i tyre në hakmarrje.
“Po kërkojnë të identifikojnë emrat e skuadrës tonë të RENEA-s, që kanë marrë pjesë në aksionin e eleminimit të Kostantin Kacifas. Do jetë një nga gabimet më të pafalshme të autoriteteve shqiptare dhe Prokurorisë, nëse zbulohen emrat.
Nëse ne do zbulojmë emrat e skuadrës që ishte në Bularat, ne do t’i ekspozojmë emrat e tyre përballë një hakmarrje”, tha Hoxha.
Më tej ai u shpreh se në Bularat ka pasur edhe forca speciale dhe komando greke gjatë ceremonisë.
