Historiani Arben Llalla, ka konfirmuar se në datën 25 tetor janë ndaluar dy bashkëpunëtorë të Kostandin Kaçifas, i vrarë nga forcat RENEA më 28 tetor në Bularat. Ai tha se është kapur Mondi Kolilas dhe një person tjetër më 25 tetor, rreth orës 12:00. Por ata janë lëshuar pasdite. Mësohet po kështu se ata janë bashkëpunëtorë të “Agimit të Artë”.
“Janë kapur dy shokë të Konstandinit. Janë lëshuar me ndërhyrjet e konsullit grek të Gjirokastrës. Nuk i la policia, se nuk pati elemente, por pati ndërhyrje. Është kapur Mondi Kolilas dhe një person tjetër më 25 tetor, rreth orës 12:00, dhe janë lëshuar pasdite.
Janë bashkëpunëtorë të “Agimit të Artë”. I vrari është anëtarë dhe i trupit të sigurimit të Agimit të Artë. Janë paraushtarakë të Qeverisë greke”, tha ai për “360 Gradë”, në “Ora News”.
