Kryebashkiaku Erion Veliaj, në mbledhjen e Këshillit Bashkiak, ka akuzuar për ndërtim pa leje kryetarin e PD-së Lulzim Basha, dhe deputeten demokrate, Jorida Tabaku. Po kështu ai ka treguar edhe disa foto të ndërtimeve, duke thënë se të hënën do t’i paraqes në Prokurori. Me anë të fakteve, Veliaj ka numëruar të gjithë shkeljet e bëra nga Basha e Tabaku, dhe se tashmë ka ardhur koha që ata të japin llogari para drejtësisë.
‘Si mundet një njëri që do të vi dhe ëndërron pushtetin, të ndërtojë pa leje një vilë 4 katëshe? Guxon dhe i kthehet Edi Ramës. Si mundet një njeri të mohojë pronat e tij, që tashmë i ka 4 katëshe? S’ka mbaruar me kaq.
Këtu është prona e Jorida Tabakut. Ma gjej, si ka mundësi të jesh në administratë, dhe t’i japësh leje vetë vetes? Si mundet, vetëm me këta ndodh!
Kjo është dosja që të hënën do shkoj në Prokurori, dhe s’do mbaroj me kaq. Si ka mundësi, a ke fytyrë? A ke cipë, a skuqesh në darkë kur të hapet dera e shtëpisë?
E fundit, si mundet një njëri të marri ashensorin e vetëm në pallat. Ashensori ekskluziv për veten e vetë. Një njeri që të kthehen kundër fqinjët. S’ka mbaruar me kaq”, tha Veliaj i inatosur.
