Dalin pamje të reja të ekzekutimit të biznesmenit australian, Janis Makris. Mediat greke kanë publikuar një video të re, ku shihet një person që qëllon disa herë nga ana e pasagjerit. Biznesmeni Makris tenton të largohet nga makina, por atentatori tregohet më i shpejtë, duke i dalë përpara dhe duke e lënë të vdekur në vend.
Biznesmeni australian u vra pranë rezidencës së tij, pak ditë më parë teksa po hipte në makinë. Sipas mediave greke, autor i krimit është një shqiptar, vrasës me pagesë.
Makris njihej në Australi si bos i mafies së trafiqeve të paligjshme. Ndërsa autoritetet greke dyshojnë se kanë të bëjnë me një vrasje për larje hesapesh.
