Mediet greke kanë publikuar pamjet e gomones, e cila transportonte 2 ton drogë, nga Himara drejt Greqisë.
Gjatë aksionit të policisë greke, kjo e fundit ka qëlluar me snajper drejt gomones 12 metra të gjatë, duke lënë të plagosur një prej skafistëve.
Mësohet se gomonia kishte itinerar Shqipëri-Greqi-Itali, ndërsa policia ka pranuar se operacioni nuk ishte rutinë, pasi kishte informacione prej kohësh për këtë grup kriminal.
Në pranga kanë përfunduar 6 persona, 4 shqiptarë dhe 2 italianë, mes të cilëve 2 shqiptarë dhe 1 italian në gomone dhe 2 shqiptarë dhe 1 italian në një banesë.
