Sipas Ramës, ekzekutivi miratoi uljen e tarifës së studimeve si dhe akordimin e bursave për studentët e shkëlqyer dhe ata në nevojë. Por nuk kaloi pak minuta, që në dritë të diellit të dilnin provat se çfarë manipulimesh po bëhen.
Provat i ka nxjerrë avokatja e njohur shqiptare Enida Bozheku, ku me anë të një postimi në Facebook, demonstron se brenda një viti, nga i njëjti institucion vjen e njëjta kërkesë, por e firmosur nga dy drejtorë të ndryshëm.
“I nderuar kryeministër, demagogjia është art dhe ju e keni, por provat janë prova dhe paaftësia e administratës suaj është e frikshme. Folët për ekselencën. A sqaroni dot i nderuar, se si ka mundësi që brenda 1 viti, nga i njëjti institucion vjen e njëjta kërkesë, por e firmosur nga dy drejtorë, në kohë të ndryshme?!
Vit për vit sillni po këtë leter – kërkesë, merrni përgjigjje edhe pse, detyrimi ligjor ka përfunduar në 2016 – nga ana e perfituesit, por për dijeni ka dhe kush përgjegjësinë morale e ka personale dhe e vë mbi paranë. Sa për ligjoren, mësoji juristët partiak që ligji do mend, jo injorantë funksionalë. Te fala nga një ish-ekselente e Doktoraturës se kryer në 1 prej 70 universiteteve më të mira në botë. Punën e kam gjetur vetë!
Deri më sot, Ju, keni dërguar veç letra formale, bosh, dhe ku kam aplikuar më keni refuzuar si “shumë e aftë për vendin tonë, kthehu nga ke ardhur, pasi edhe gjyqësori italian është i korruptuar apo heshtje tek konkurohet tek DAP”. Për të tjerat, emailet po i deshët mbi Vettingun dhe DAP, ja u vë në dispozicion, për trasparencë institucionale!”, shkruan ajo.
