Skënderbeu do të ketë një transfertë mjaft të vështirë këtë javë përballë Flamurtarit, në Vlorë. Ndeshja është e vlefshme për ndeshjen e parë të fazës së dytë në kampionatin Shqiptar. Të dyja ekipet janë duke kaluar një formë mjaft të mirë dhe kjo ndeshje premton spektakël. Tekniku i korçarëve Ilir Daja shprehet optimist për një rezultat pozitiv, problemi i vetëm në këtë sfidë janë mungesa që ka Skënderbeu.
“Kjo është një ndeshje mjaft e rëndësishme për ne dhe do të luftojmë për ta fituar, për ta nisur mbarë edhe këtë fazë të dytë. Flamurtari ka një ekip mjaft të mirë dhe cilësorë, që ka zhvilluar ndeshje mjaft të mira. Ne e kemi përgatitur mjaft mirë këtë ndeshje, por kemi disa mungesa mjaft të rëndësishme që shpresoj të mos na ndikojnë në ecurinë e ndeshjes. Janë katër lojtarë që nuk do të jenë në këtë sfidë Lilaj, Nespor, Jashanica dhe Nimaga. Janë katër lojtarë mjaft të rëndësishëm në pozicionin që kanë në formacion.”
GRUMBULLIMI – “Menjëherë pas mbylljes së seancën stërvitore ekipi ka udhëtuar drejt Vlorës, ku edhe është akomoduar në prag të ndeshjes”
MUNGESAT – “Katër mungesa të rëndësishme për trajnerin Daja. Lilaj, Nespor dhe Jashanica janë të dëmtuar ndërsa Bakary Nimaga ka udhëtuar drejt vendlindjes për shkak të një fatkeqësie familjare. Mesfushori nga Mali do bashkohet me ekipin pas dy ditësh në stërvitje”
LILAJ – “Mesfushori Korçar ka pësuar një dëmtim gjatë ndeshjes me ekipin kombëtar në Turqi dhe do të qëndrojë maksimumi 3 javë larg fushës. Lilaj ka thyer një prej kockave sipër gishtave të dorës së djathtë dhe u detyrua ta vendosë dorën në allçi. Mesfushori do ti nënshtrohet gjatë këtyre javëve mungese një programi stërvitor të posaçëm për të mos humbur ritmin”.
