Ish-ministrja e Jashtme, Arta Dade, duket se nuk ka fare pritshmëri për ministrin e Jashtëm, Gent Cakaj, madje ajo tha ‘pa doreza’ se ai nuk di të artikulohet. Teksa ka qenë e ftuar në “Tempora” në “Ora News”, Dade vuri në dukje sfidat e jashtëzakondshme që do hasim para, dhe se ne duhet të reagojmë me kapacitetet tona. Ajo shkoi më tej duke thënë se ne nuk mund të çojmë një ministër që magjepset, dhe ka emocione të tmerrshme kur del para kryeministrit.
“Shqipëria është para një sfide të jashtëzakonshme. Marrim për herë të parë Presidencën e OSBE-së. Janë 57 shtete. Ka një shtrirje nga Kanadaja deri në anën tjetër, dhe sigurisht janë shtete që jo gjithmonë kanë shprehur dashamirësi.
Ne duhet të manifestojmë kapacitete. Ne nuk mund të çojmë një ministër që magjepset dhe ka emocione të tmerrshme kur del para kryeministrit. Imagjino të ulen me ministrat. E dyta, roli i ministrit të Jashtëm.
Ky ka qëlluar mesa duket që mund të bëjë vetë fjalimet. E kam ndjekur në video. Absolutisht, shqiptarët nuk mund të kenë një ministër të Jashtëm që nuk di të artikulohet.
I referohem edhe anglishtes edhe koncepteve dhe mënyrës se si do të referojë arritjet e Shqipërisë. Unë besoj që vendosmëri e papërligjur dhe krijimi i një konflikti institucional duke u kapur me thonj pas një emri që shqiptarëve nuk u thotë asnjë gjë, dhe madje shqiptarët mund të thonë se me këtë përfaqësohemi.
Kosova ka shumë nevojë për diplomatë të zotë, dhe mund të shërbejë atje. Me Ministrinë e Jashtme nuk bëhen eksperimente”.
