Kryeministri Edi Rama konfirmoi në fundvit zërat se mes tij dhe Veliaj ka një krisje marrëdhëniesh. Duke folur në konferencën e fundvitit, Rama tha se ka një komplot brenda Partisë Socialiste, e padyshim Veliaj është koka e tij.
Këtë e tha në formën e ironisë, por jo edhe pa qëllim. Duket se kryeministri i dërgoi një mesazh të drejtpërdrejt Veliajt me anë të komunikimit për media.
Një tjetër zë i rëndësishëm brenda PS-së, Arta Dade ka komentuar lajmet që qarkullojnë se Veliaj kërkon të marrë drejtimin e të majtëve.
Ish-ministrja tha se nuk ka asgjë të keqe nëse ai aspiron një gjë të tillë, madje e mbështeti kandidaturën e Veliajt teksa tha se ai zotëron të gjitha cilësitë për të drejtuar PS-në.
“Nuk ka ndonjë gjë të keqe pse Veliaj aspiron të jetë kryeministër. Është një përfaqësues i brezit të ri në politikë. Është i formuar është njeri i punës dhe i ka cilësitë që të drejtojë PS. Por e rëndësishme është që në PS të ketë një garë.”
