Ministri i Jashtëm i Serbisë ka thënë se Kosova “nuk dëshiron të hyjë në Interpol për të luftuar kundër krimit, por të tregojë se është shtet i pavarur dhe se e ka përkrahjen e komunitetit ndërkombëtar”.
Daçiç: Le të ngrehë dolli Thaçi me Kurtzin, do të shohim kush do të ngrehë dolli në fund
“Të jem cinik, gati e gjithë udhëheqësia e Kosovës tashmë është në fletë arrestet e Interpolit” ka thënë shefi i diplomacisë serbe.
“Ata jetojnë nëpër re, në fotografinë e rreme se sa vende i njohin”, ka thënë Daçiç dhe ka shtuar se “nëse ata nuk besojnë në notat e tërheqjes së njohjes të cilat Serbia po i pranon, le të vërtetojnë në votim, i cili qysh tani do të bëhet për Interpol”.
Ministri i jashtëm i Serbisë ka thënë se Austria do të votojë për Kosovën në Interpol, gjë që kancelari Sebastian Kurz edhe ka thënë në Prishtinë, por “ata nuk e duan liberalizimin e vizave, sepse kosovarët do të shkojnë te ata”.
“Shihet nga aeroplani se cili është interesi i tyre. Shohë se kancelari Kurz ngrehë gotën e shampanjës me Thaçin në lidhje me pranimin e Kosovës në Interpol…”, ka thënë Daçiq duke u përpjekur të arsyetohet para opinionit serb pasi ka premtuar se Serbia “kurrë nuk do të lejojë” që Kosova të anëtarësohet në Interpol.
Ai ka thënë se Perëndimi i ka premtuar Kosovës anëtarësim në Interpol, por se duhet pritur votimin, duke pretenduar se Beogradi me miqtë e tij po punon kundër kësaj, transmeton Insajderi.
“Ndërsa Thaçi le të ngrehë dolli me Krutzin, do të shohim se kush do të ngrehë dolli në fund”, ka thënë Daçiq.
