Ministri i jashtëm serb, Ivica Daçiç tha se Serbia këmbëngul në respektimin e Rezolutës 1244 të Këshillit të Sigurimit të Kombeve të Bashkuara, e cila sipas tij kërkon çmilitarizimin e Kosovës dhe që KFOR-i të jetë e vetmja forcë e armatosur.
Daçiç tha se pritet që shumica e anëtarëve të Këshillit të Sigurimit të OKB-së ta dënojë formimin e ushtrisë së Kosovës, por se nuk beson se do të vendoset për shpërbërjen e saj, për shkak të qëndrimeve të ndryshme.
“Nëse kjo do të ndodhë? Është e vështirë. Ajo ka qenë prej kohësh e njohur, pasi disa fuqitë e mëdha nuk e respektojnë politikën e multilateralizmit, por shkojnë njëanshëm”, tha Daçiç.
Ai tha se do të ishte logjike që anëtarët e Këshillit të Sigurimit të OKB-së të marrin një vendim për shpërbërjen e ushtrisë së Kosovës, por se nuk beson se do të ndodhë.
Daçiç tha se ai pret që anëtarët e Këshillit të Sigurimit të OKB-së ta dëgjoni presidentin Vuçiç dhe që është e rëndësishme për të parë se kush ka qëndrim ndaj shkeljes së Rezolutës 1244.
I pyetur në lidhje me kërkesat e reja të Prishtinës, përfshirë njohjen reciproke të Serbisë dhe Kosovës dhe pagesën e dëmshpërblimeve të luftës, Daçiç ka thënë se këto janë për përdorim të brendshëm në Kosovë.
Ai tha gjithashtu se barrierat doganore duhet të tërhiqen para se dialogu të vazhdojë.
