Ministri i Jashtëm i Serbisë, Ivica Daçiç tha se Britania ka paraqitur një protestë kundër Surinamit pasi vendi tërhoqi vendimin e tij për të njohur pavarësinë e Kosovës dhe Metohisë, trasmeton Blitc.
Kryediplomati serb mbajti një konferencë shtypi në selinë e partisë, në të cilën foli për arsyet pse Serbia nuk ka nevojë për të mbajtur zgjedhje të parakohshme parlamentare. Ai shpjegoi se serbët duhet të vazhdojnë me realizimin e objektivave të qeverisë, duke përfshirë edhe rrugën evropiane të Serbisë, por edhe ruajtjen e shtetit dhe interesat kombëtare.
Daçiç: Mbretëria e Bashkuar paraqiti një protestë për shkak se Surinami ka tërhequr njohjen e Kosovës dhe Metohisë.
Ai vuri në dukje se një numër në rritje i shteteve po i konsiderojnë dhe i analizojnë të gjitha pasojat e pavarësive të shpallura të njëanshme, veçanërisht në dritën e zhvillimeve më të fundit në Katalonjë.
Daçiç: Ne jemi të kënaqur me vendimin e Surinam për të tërhequr njohjen, por edhe me qëndrimin e Guinea-Bissau e cila tregon se qeveria aktuale është e mendimit për të mbrojtur integritetin territorial dhe sovranitetin e Serbisë. (TIRANA TODAY)
