Milan dhe Torino janë ndalur në barazim pa gola në një ndeshje që pato shumë mundësi shënimi por finalizimi iu mungoi të dyja skuadrave.
Në pjesën e parë ishte Milan që provoi në disa raste por mundësinë konkrete për të shënuar e pati Iago Falque, që me një goditje nga afër porte me kokë bën Donnarumman të tregojë reflekset më të mira duke u zgjatur me një dorë e duke mbajtur të paprekur portën e tij.
Një ndeshje në përgjithësi e barabartë, ashtu si rezultati final. Milan qarkulloi pak më tepër topin dhe mori goditje këndore por Torino rrezikoi disa herë portën e kuqezinjëve. Mundësinë e artë e pati Patrick Cutrone në fund të ndeshjes. Sulmuesit i del me shumë fat një top që e nxjerr të vetëm përballë portierit Sirigu, por sulmuesi italian godet keq dhe topi përfundon jashtë.
Milan humb mundësinë për të iu afruar Interit me një pikë në renditje, por tani ndodhet në kuotën e 26 pikëve, 3 më pak se Inter, ndërsa Torino shkon në kuotën e 22 të tillave.
