Ndonëse Prokuroria i ka ofruar mbrojtje, jashtë banesës së Xhisielës nuk shihet asnjë patrullë policie, pasi ajo nuk ka pranuar. Në banesën ku ka jetuar 25-vjeçarja ndodhet vëtëm gjyshi, Taf Maloku, i cili tregon për “Tv Klan” se si është njohur me rastin e mbesës së tij. Ai thotë se tani ka ardhur nga Italia, pasi aty kishte kryer një operacion në sy, por nuk ka qënë në dijeni të këtij rasti.
“Kam qenë në Itali, se isha verbuar nga sytë dhe shkova bëra një operacion. Kam ardhur dhe e kam takuar, dhe ç’kam pasur ndonjë lek ua kam çuar, por këtë muhabete se kam ditur. Unë tani kam ardhë nga Italia”.
Sikundër e reja, edhe gjyshi i asaj apelon ndaj politikës që të mos ndërhyjë në këtë çështje. Ndër të tjera, ai uron që çifti të bashkohet, dhe se burgu nuk është për djalin e deputetit socialist.
“Politikanët mos të bëjnë grindje njëri me tjetrin. Ndodhi ajo që ndodhi. Unë e falenderoj, as se shaj Bashën, as Sali Berishën. Kanë marrë vesh për një qëllim dhe kanë thënë që është jetime.
Mirëpo tani të rinjtë nuk e di se ça bëjnë. Ishalla bashkohen, ta marri, se s’është punë burgu. Burgu s’është asnjë gjë, se s’ka vrarë njeri. As ai s’ka vrarë njeri, as goca ime s’ka vrarë njeri. Janë ngatërruar, se janë duke harruar të mëdhenjtë”.
Më herët, Xhisiela pranoi publikisht se ndaj saj nuk është ushtruar dhunë, dhe kallëzimet i ka bërë për shkaqe xhelozie.
