Duket se çdo fushë është e lidhur drejtpërdrejt me politikën në vendin tonë. Së fundmi, cudia vjen nga bota e sportit.
Faqja zyrtare e FK Kukësit në Facebook duket se ka nisur fushatën për Partinë Socialiste. Kjo pasi në faqen e saj, janë postuar aktivitete të kësaj force politike.
Por, tifozët verilindorë nuk e kanë pritur aspak mirë një veprim të tillë, duke sulmuar dhe ofenduar postimet në fjalë, të cilat i cilësojnë si të papërshtatshme për një klub futbolli.
Siç duket në foto, klubi i Kukësit ka njoftuar tifozët për një mbledhje të Asamblesë së Zgjeruar së Partisë Socialiste Kukës, ku ka marrë pjesë veç presidentit Safet Gjici, dhe ministria e Arsimit dhe Sportit Besa Shahini dhe ish-ministri i Shëndetësisë, Ilir Beqja.
