Vazhdojnë çudirat në futbollin shqiptar! Dy ndeshje do të luhen brenda 5 orësh në Kamëz. Bëhet fjalë për ndeshjet e Kupës së Shqipërisë, ku Sopoti do të përballet me Laçin në Qendrën e Ekipeve Kombëtare në Kamëz në orën 13:00.
Por, pas përfundimit të këtij takimi, në kompleksin e FSHF-së do të zhvillohet edhe ndeshja tjetër e Kupës, mes Turbinës dhe Korabit, e planifikuar për në orën 16:00.
Sopoti pret sot Laçin në Kamëz, pasi fusha e Librazhdit është në rikonstruksion e sipër, ndërsa fushat e tjera të afërta janë të zëna, ndaj u zgjodh Kamza.
Librazhdasit i pret një ndeshje mjaft e vështirë, por do të tentojnë të surprizojnë laçianët, edhe pse kanë në përbërje një ekip të ri në moshë.
