“Topi i Artë” ka krijuar shumë polemika këtë sezon, pasi mund të jetë Luka Modric fituesi dhe jo Cristiano Ronaldo apo Lionel Messi si ishim mëshuar në vitet e fundit. Për këtë temë ka folur edhe Carlo Ancelotti i cili do të përballet këtë fundjave me Juventusin, pjesë e të cilëve është edhe ylli portugez. Ai ka folur fjalë shumë të mira për Ronaldon pasi kanë punuar bashkë tek Real Madrid.
“Për Cristianon ndjej mirënjohje të pafund, përtej golave që ka shënuar kur isha trajner te Reali. Tregoi cilësitë e mëdha njerëzore dhe profesionale. Jam shumë i lumtur që është në Itali, është vlerë e shtuar për futbollin italian”, deklaroi Ancelotti.
Mbi polemikat që ka shkaktuar FIFA dhe UEFA duke vlerësuar mesfushorin Luka Modric si futbollistin më të mirë të vitit, Ancelotti tha: “Cristiano duhet ta fitojë gjithmonë Topin e Artë, por këtë vit po vlerësojnë një futbollist që e dua aq shumë sa Cristianon, që është Modric. Për mua, është mirë kështu”.
