Një humbje e gjashtë rradhazi në Anfield, një tjetër pa gol. Në 2021 kanë shënuar vetëm një gol në Anfield-in mitik, një penallti e shënuar nga Salah në humbjen ndaj Sitit… 1-4!!
Liverpool i ka dhënë dje përgjigje pyetjes “ka ku shkon më keq se kaq?”, ja që paska!
Ishte një ndeshje pa reagim pavarësisht se Jurgen Klopp-i tronditi titullarët e tij me shtatë ndryshime në formacion. Liverpool-i kurrë nuk u duk i sigurt në kapacitetin për të shënuar, ndërsa gjuha e trupit, lëvizjet dhe fryma e grupit lanë të kuptohej që asgjë nuk është më në vijë – ndoshta jo çuditërisht u pa kombinimi i 20-të sezonal në qendër të mrojtjes.
Pika ra kur Mario Lemina lehtësisht e kaloi Mohamed Salah-un dhe e coi topin në një kënd të ulët ku Alisson-i nuk e kapi dot, për t’i dhënë epërsinë Fulham-it që në pjesë të parë.
Ky Liverpool nuk shënon më, nuk krijon, nuk godet portën, nuk kthen më rezultat, duket i rënë nga parajsa ku ishte 2 muaj më parë dhe duket se është përplasur shumë fort gjatë rënies dhe nuk po e merr dot veten.
Dje me Fulhamin dhe në tërësi në këtë 2021-sh, kur luan Liverpool-i nuk kuptohen se cili ekip është kampioni në fuqi dhe cili sfiduesi. Forma e Liverpool-it, në të vërtetë, është ajo e një ekipi që ndodhet në fund të tabelës.
Miti “Ky është Anfield” ka humbur qartazi faktorin e frikës, frazë e cili tani shërben më tepër si një ftesë për kundërshtarët.
Në një moment të tillë koinçidenca që të bie menjëherë ne sy është festa e titullit kampion në Skoci. Rangers shpallet kampion i Skocisë 10 vite nga hera e fundit. E arriti me Steven Gerrardin trajner. 0 humbje këtë sezon!
Dhe normalisht vjen në kokë tek shumë tifozë dhe adhurues të Liverpool-it ideja : “Ka ardhur momenti që Gerrard të marrë drejtimin e të kuqve?”
Legjenda e Liverpool-it, Mark Lawrenson thotë se Steven Gerrard NUK është i gatshëm të ndërmarrë “hapin e madh” dhe të zëvendësojë Jurgen Klopp-in pavarësisht nga arritja e titullit me Rangers … “bast” i madh për pronarët e FSG-së. – e quan ai.
“Ajo që unë do të doja të thoja është se pavarësisht suksesit tek Rangers, drejtimi i Liverpool-it është një tjetër spektër,” shkroi Lawrenson në një kolonë për BBC Sport.
“Do të ishte një hap i madh. Do të ishte një bast i madh për pronarët e klubit – Fenway Sports Group – ta emëronin atë.”