Liverpool është bindur se nuk mund ta mbajë edhe për shumë kohë Coutinho dhe i ka bërë të qartë Barcelonë se çfarë shumë duhet të paguajnë për të. Blaugraët duhet të derdhin në arkat e “the reds”, 150 milion euro që ky transferim të finalizohet me sukses. Gjatë verës janë drejtuar tre oferta në drejtim të Liverpool nga katalanasit dhe e fundit kishte kapur shifrën e 135 milion euro pasi e shohin si zëvendësuesin ideal të Iniestas. Liverpool ishte i bindur që ti rezistonte ofertës, pasi dëshironte që ta mbante në ekip edhe një vit, por dëshira e lojtarit për tu larguar ka detyruar anglezët të pajtohen me një çmim.
Por sipas asaj që raporton “Diario Gol”, në “Camp Nou’ braziliani Coutinho nuk është shumë i mirëpritur nga disa senatorë të ekipit. Janë pikërisht Rakitic dhe Iniesta që nuk janë shumë të kënaqur me këtë transferim, që do tu hiqte minuta nga këmbët e tyre. Më i rrezikuar ndjehet Rakitic, pasi deri në pensionimin e Iniestës me siguri që në stol do të ulet ai. Por pavarësisht këtyre hatërmbetjeve, interesi i Barcelonës për të sjellë në Spanjë, Coutinho vazhdon të jetë i njëjtë dhe me shumë mundësi në janar do të kryhet ky transferim.
https://www.youtube.com/watch?v=w3H4I1LBzGs&ab_channel=SportVideosMM
