Juventusi ka kaluar me lehtësi fazën çerekfinale të Kupës së Italisë, duke fituar derbin me Torinon me rezultatin e pastër 2-0. Një gol i shpejtë i Douglas Costas në minutën e 13’ solli më shumë siguri për bardhezinjtë. Pavarësisht përpjekjeve të djemve të Mihajlovic, me dy mungesa të rëndësishme në fazën ofensive e kishin të pamundur të arrinin të rrezikonin.
Për të siguruar kualifikimin për në gjysmëfinale mendoi kroati Madzukic i cili dyfishoi rezultatin në minutën e 67’. Pjesa e mbetur e lojës është komanduar nga djemtë e Allegrit duke pritur përfundimin e takimit. Juventus do të përballet me Atalantën në gjysmëfinale.
