Masat e ndërmarra ndaj coronavirusit të frikshmëm janë shtuar me kalimin e orëve. Coronavirusi ka një ndikim të madh po kështu edhe në botën e sportit. Pas shtyrjes së kampionatit Botëror të Atletikës (në sallë), ekipi kombëtar i femrave në futboll është në karantinë në një hotel.
Frika nga infektimi nga ky virus ka ndalur shumë aktivitete sportive, duke filluar nga moto-sportet e deri te skija. Tashmë ka ardhur dhe radha e futbollit që të ndalet. Federata Kineze e futbollit ka vendosur që për momentin të shtyjë të gjitha ndeshjet e planifikuara për vitin 2020, për shkak të epidemisë që po tmerron botën. Ka qenë vetë Federata, e cila e ka komunikuar zyrtarisht këtë vendim.
Coronavirusi që ka prekur mijëra njerëz në botë, ka shtyrë vendet që të mbyllin kufijtë e tyre. Festa e vitit të ri kinez dhe pushimi dimëror i nxënësve është zgjatur, me qëllim që të luftohet zgjerimi i këtij virusi, kurse masat e ndërmarra deri më tani nga autoritetet kanë bërë që të rritet paniku në mesin e qytetarëve.
Denonco ne TT