Favoritet e ‘Copa America’, Brazili do të kërkojë të vazhdojë fillimin perfekt të turneut kur të përballen sonte në orën 02:00 me orën e Shqipërisë, me Kolumbinë në ‘Estadio Nilton Santos’ të Rio de Janeiro-s.
‘Selecao’ vjen pas dy fitoreve radhazi ndaj Venezuelës dhe Perusë, por kjo premton të jetë prova e tyre më e vështirë pasi ata përballen me një Kolumbi, që shpreson ta përfundojnë fazën e grupeve me notë pozitive.
Teksa me një rezultat pozitiv Brazil do të sigurojë vendin e parë në Grupin B, Tite do të tundohet të fusë formacionin më të fortë të mundshëm kundër një skuadre të dëshpëruar për tre pikë.
Formacionet e mundshme:
Brazili 4-3-3: Alisson; Danilo, Marquinhos, Silva, Lodi; Casemiro, Fred, Fabinho; Jesus, Richarlison, Neymar
Kolumbia: 4-2-3-1: Ospina; Medina, Sanchez, Mina, Tesillo; Barrios, Uribe; Cuadrado, Cardona, Diaz; Morelos
