Disa vite më parë ishte trajner i Milanit dhe tashmë ka marrë rolin e drejtuesit teknik. Bëhet fjalë për brazilianin Leonardo i cili me anë të një konference për shtyp ka konfirmuar zërat e rikthiit të tij në Milano. Po ashtu ai ka folur edhe për të ardhmen e shumë lojtarëve, po ashtu i ka dhënë fund njëherë e mirë lajmeve se Conte do të marrë drejtimin e kuqezinjve.
“Gattuso është i pari që u konfirmua nga Elliot, me Conte nuk kemi folur Gattuso ka bërë mirë me skuadrën. Ndërsa Bonucci ka bërë një kërkesë dhe kërkon të rikthehet tek Juventusi, gjithsesi do ta shohim si mundësi edhe pse nuk është aspak e lehtë. Nuk e kemi detyrim ta shesim lojtarin,” shprehet Leonardo.
Ndërsa më pas ka folur për një rol të Maldinit tek kuqezinjtë edhe pse vetë legjenda e Milanit është shprehur se nuk i sheh kushtet e favorshme për të bërë diçka të tillë. Po ashtu braziliani flet edhe për të ardhmen e disa lojtarëve që përfliten në merkato.
“Maldini është miku im më i mirë një rikthim të tij do ta prisja me krahë-hapur. Po shohim me kujdes situatën e Locatelit, e mira do të ishte të qëndronte, por do ta diskutoj me lojtarin dhe do të vendosim. Sa i përket Kalinic, ka disa alternativa, për të nuk është i interesuar vetëm Atletico Madridi. Elliot? Kanë një projekt afatgjatë për të rikthyer Milanin në maja por duhet të respektojmë parametrat e Uefa-s në merkato..”– ka thënë braziliani.
