Tekniku Italian Antonio Conte pasi largoi me një sms sulmuesin Diego Costa, ende nuk ka arritur të gjej një sulmues në lartësinë e tij.
Costa prej disa ditësh është nxjerrë në shitje, por ekipi londinez po has vështirësi të mëdha për të siguruar një bomber që të arrijë të zeje vend në skemat e trajnerit italian.
Sulmuesi spanjoll që u bashkua me Chelsea-n në vitin 2014 ka fituar dy tituj në Premier League por tashmë ai është pjesë e së shkuarës.
Ish-kapteni i bluve, Lampard kritikon në njëfarë mënyrë sjelljen e trajnerit Conte për ta larguar nga ekipi sulmuesin më të mirë.
“Do të jetë shumë e vështirë që të zëvendësohet një sulmues si Costa. Ai është një lojtar shumë fizik dhe i vështirë për t’u zëvendësuar. Nuk është aspak e lehtë për të gjetur një lojtar që të shënojë kaq shumë gola sa ai. Ai është një lojtar që po zhvillohet me ritme të shpejta dhe do të ishte një opsion shumë i mirë por mendoj se sërish do të jetë e vështirë të plotësohet vendi i lënë nga Diego Costa”, thekson Lampard.
Gjatë sezonit të fundit, Diego Costa shënoi 22 gola në 42 ndeshje por Chelsea shikon belgun Lukaku si pasuesin e tij ideal dhe ish mesfushori Lampard bën një koment edhe për këtë emër.
