Antonio Conte është vënë në shënjestër nga mediat angleze dhe është folur shumë në ditët e fundit për një prishje të bashkëjetesës së rij me klubin Chelsea. Kanë mjaftuar vetëm dy-tre ndeshje jo të mira për teknikun italian, për të rrezikuar postin e trajnerit. Conte nga ajo që shkruhet ka kërkuar që të largohet nga Chelsea, pasi zona ku jetojnë nuk është e përshtatshme për familjen e tij dhe kjo ka bërë që ai të marrë një vendim të tillë. Por këto zëra ka dalë ti përgënjeshtrojë vetë tekniku i klubit londinez, duke u shfryrë njëherë e mirë ndaj gazetarëve. Ai i quaj gjepura të gjitha gjërat që shkruhet dhe bëhen për të prishur harmoninë në ekipin e tij.
“Fliten shumë gjepura këtu. Është e vërtetë. Edhe në të kaluarën kjo gjë ka ndodhur edhe me trajnerë të tjerë. Gazetarët përpiqen të krijojnë probleme mes meje, klubit dhe lojtarëve. Nëse dikush ka qejf të vazhdojë t’i shkruajë këto gjëra, do i përgjigjem shumë mirë. Kjo gjë është mungesë respekti. Nuk duhet të përfshini as persona të tretë. Mos shkruani gjepura të tilla” – përfundoi Konte.
Antonio Conte ka marrë drejtimin e Chelsea një vit më parë dhe ka arritur të fitojë kampionatin, po ashtu ka bërë paraqitje mjaft të mira në Champions Legaue, kompeticion që është parësorë për blutë e Londrës. Ish-trajneri i Juventus ka rinovuar kontratën me Chelsea pas një viti në stolin e ekipit dhe kjo bën të besohet që ai nuk ka ndërmend të largohet, ndryshe nga ajo që flitet në mediat britanike.
