Pas dështimit të Teutës, Laçit, Shkëndijës dhe Prishtinës, sot në fusë zbresin pjesa e mbetur e ekipeve shqiptare që luajnë këtë vit në kompeticionet Europiane.
Partizani dhe Vllaznia (Conference League)
Partizani e luan të parën në Elbasan në stadiumin “Elbasan Arena” ku pret Sfintulin e Moldavisë, skuadër tepër e dobët për forcën e Partizanit si në financa dhe në arritje dhe në histori. Sfintuli e ka presidentin në fushë pasi njëri prej lojtarëve zotëron aksionet e klubit.
Trajneri Ilir Daja është shprehur optimisat për përballjen e parë të “demave”, këtë sezon të ri. Për Partizanin fitorja është rezultati i vetëm që nuk do të ngrinte pyetje në fillimin e një sezoni që do të kërkojnë me çdo kusht titullin kampion pasi vjet ishte bllokimi i merkatos nga UEFA që e “pengoi”. Dhe Gheorge Sfintuli i Moldavisë duket shumë modest për këtë Partizan. Ndeshja luhet në orën 20:00 në një Elbasan (sipas meterologëve) 35 gradësh.
‘Vllaznit’ e Shkodrës e “bëjnë sefte” në Bosnjë, gjithnjë brenda Ballkanit, 1 orë më vonë në 21:00. Në stadiumin ‘Stadion Pecara’, kur gjyqtari rus të vërshëllejë, Shiroki Brijeg do të jetë rreshtuar përballë Vllaznisë së Bërdariçit. Një sfidë që ngjall kuriozitet të madh pasi Vllaznia e sezonit të kaluar ishte një realitet i bukur i futbollit shqiptar që për pak do të arrinte titullin kampion. Interesante do të jetë të shihet nëse do të rezultojë e suksesshme apo jo në Europë. Vllaznia ka ruajtur ekipin e sezonit të kaluar. Fizionomia e njëjtë në fushë dhe i njëjti trajner në pankinë janë pika më e fortë e vllaznisë në këtë sfidë. Ndërsa për bosnjakët pika më e fortë do të jenë tifozët pasi në Bosnjë nuk ka mas reduktuese për eventet sportive.
Shqiptarët e tjerë
Në Conference League luajnë sonte dhe disa përfaqësues të tjerë të shqiptarëve. Dy derbi:
Drita-Deçiç dhe Shkupi-Llapi do të nxjerrin mes tyre dy skuadra shqiptare që do të vijojnë më tej aventurën e tyre verore në Conference League, kjo është e sigurtë. Deçiç është ekipi i Tuzit që militon në Kampionatin e Malit të Zi, Shkupi është ekip shqiptarësh në kryeqytetin e RMV-së fqinje.
Të dyja ndeshjet luhen në 20:00.
/Tirana Today
