Autori amerikan, Colson Whitehead ka fituar për herë të dytë çmimin prestigjioz “Pulitzer”. Kështu ai bëhet shkrimtari i katërt në botë që e fiton për herë të dytë këtë çmim në zhanrin thriller.
Whitehead e mori këtë çmim për novelën “The Nickel Boys”. Libri flet për abuzimin e disa djemve me ngjyrë në një shkollë në Florida.
Autori afrikano-amerikan, 50 vjeç e ka fituar edhe më herët këtë çmim, në të njëjtën kategori. Në vitin 2017 ai fitoi “Pulitzer-in” e tij të parë me librin “The Underground Railroad”.
Të vetmit autorë që kanë marrë dy çmime në të njëjtën kategori janë Booth Tarkington, William Faulkner dhe John Updike.
Çmimet Pulitzer janë një ndër nderimet më të rëndësishme që u bëhen gazetarëve dhe autorëve, me bazë në Shtetet e Bashkuara.
